Iwer eis

Iwer

Electricité Bettendorf säit 1992

D’Firma Électricité Bettendorf gouf den 1. Abrëll 1992 vum Här Bettendorf Francis a vun der Madame Reinert Chantal gegrënnt. Den éischte Sëtz vum Betrib war zu Consdorf. All Form vun Elektroaarbecht gouf vum Här Bettendorf selwer gemaach, woubäi d’Madame Reinert den Administrativen Deel iwwerholl huet. Dat Wichtegst vun der Firma war ëmmer, dass de Client am Virdergrond steet, wouduerch d’Firma stänneg Clientë bäikrut a gewuess ass.

Am Joer 1997 hunn schonn 8 Aarbechter am Betrib geschafft an et gouf eng Gesellschaft gegrënnt. D‘Électricité Bettendorf S.à r.l. war gebuer.   4 Joer méi spéit waren ewell 15 Aarbechter an der Firma täteg, wouduerch d’Lagerraim zu Consdorf ze kléng waren. No 3 järege Renovatioun- an Ëmbauaarbechten ass d’Firma an een aalt Bauerenhaus op Chrëschtnech geplënnert.

Mat engem méi groussen Atelier an engem méi grousse Bureau konnt d’Angebot vir den Client erweidert ginn. Haut bitt Societéit eng vollstänneg Palette vu Servicer un, déi vu Reparaturaarbechten, Ëmbau an Neiinstallatioune vir Privathaiser an ëffentlech Gebaier souwéi Neiinstallatioune vun EiB, Netzwierker vir Computer, SAT-, Alarm-, Photovoltaik-, a Klimaanlage bis hin zum Verkaf vu Luuchte ginn.   Dës Servicer ginn ënnerstëtzt duerch 50 Persounen déi fachmännesch a professionell ausgebilt sinn, bei dem de Client stänneg am Mëttelpunkt steet a wou d’Offer a Berodung gratis zur Verfügung stinn.   Eis fachkompetent Elektriker an Aarbechter gi mat grousser Freed a Loscht un hier Aarbecht. Domadder probéieren si ëmmer d’Bedürfnisser an d’Wënsch vum Client zu 100% ze erfëllen.